呢個眼瘡已經纏繞差不多一個月
睇左家庭醫生都攪唔掂, 跟住去睇浸會眼科, 承惠6百大元
醫生話個瘡已經成型, 要做手術先攪得掂

接住既星期四我就突然請下午假去睇另一眼科醫生

見完醫生, 佢先幫我check眼, 滴左d眼藥水放大瞳孔
跟住就叫我自己去搭車去法國醫院準備做手術
horrible, 戴左眼鏡都看不清前路, 一個人迷濛係街上搵的士
雙眼有事真係好慘

跟住去到醫院等一陣就決定做手術
太恐怖, 自己一個人去睇, 仲要第一次自己面對呢個手術

入到手術室先在眼皮打麻醉針, 已經痛痛地
不夠一分鐘後, 就用夾夾起我既眼皮
呢刻就真係超級痛, 痛到右眼已經不斷流淚
可能麻醉藥已經有d效力, 醫生開始清除眼瘡就冇乜反應
不夠十分鐘就攪掂呢個小手術
左眼就封左紗布

眼濛濛咁走番出大堂
但呢一刻又開始感覺痛
整個左面都麻痺晒
但, 呢一刻得我一個人頂住, 難過極了

之後再獨自攪入院手續
視線仍然迷朦, 跟住阿嬸走來走去, 再去到病房

睡在床上休息, 等到四點多媽子先來到
但眼睛仍未看清, 到晚上才真正看清少少
除了紗布後, 左眼腫得恐怖, 只得平時既一半, 樣衰極了

在醫院休息一天後, 第二天一早出院
poor!!又係我一個人拎住一袋兩袋, 苦苦的回家

唉~慘痛經歷
第一次做手術, 第一次住醫院, 亦居然第一次一個人獨自面對



大家要小心保護雙眼, 一有事就好慘啦

上星期颱風走了之後, 掛了三號風球後返工
就發現自己有d傷風, 喉嚨痛
夜晚即刻去睇醫生
點知係代診, 都照睇
食完d藥, 只係昏睡
所以第二天冇返工
再走去睇醫生
今次俾d再勁d既藥, 點知今日就有少少燒
繼續休息多一天

冇返兩日工, 星期五回到公司, 阿姐同partner返左大陸
我整個位都放滿parcel, email爆晒, 電話勁call
做到想死, 而家真係" 得閒死唔得閒病" 啦
捱不住了, 六點即閃, 又再去搵另一個醫生
都係有少少燒, 但喉嚨睇了咁耐都係未好過
癲架, 傷風, 喉嚨痛都要睇咁耐
痴線架

今日再去睇中醫
佢話d骨火, 疲累一次爆出來
又要食2劑中藥
唉~想點呀, 睇左一星期啦, 都未試過咁難攪